كبير الجرح يا نبض الحنايـا و الحنايـا أرهـاف
و صبري من كثر صبره بدت تتساقـط اعزومـه
و اتساقط أنا كلي علـى صـدر الزمـان الحـاف
و لملمنـي بعـد يآسـي بقايـا روح مهزومـه
وحاول ازرع اخضار الأراضي و الاراضي اعجاف
و يأبى العاشق المغرور..طيحت زخـت اغيومـه
تعبت و كلنـي همـي حبيبـي طالبنـك انصـاف
عسى ترتـاح آهـاتٍ مـن الغيبـات مسقومـه
تصدق لو بقول اني احسـك بالزوايـا اطيـاف..؟
تخاطبني و جوابها..فراقـك مقـدر آرومـه..؟!!
تعبت انطرك في وقتٍ لقيتـه مـا يمـل اجحـاف
خذلني لين ما خلى فؤادي يكـره احلومـه...؟!!
ألا يالي تغيب و مـا تغيـب فـعالمـي اوصـاف
حبيبك من بعد فرقاك جفنه فارقـه نومـه...؟!!
تخيل حالته بعـدك وحيـد و يحتضنـك اضفـاف
لانه نهر ما يـروي سـواك و تشهـد انجومـه
و إذا تسأل وش نجومه..؟ تراها صاحبي اطـراف
إذا تنطق تجي تحكي كثير اشيـاء مكتومـه..؟!!
حبيبي لا تغيب اكثر ترى طبع النفـوس اضعـاف
و انا خايف على قلبي يخون إن كثرة اهمومه..؟!!